Popular Bible Verses from 1 KORINTUS 14

Share

Allataala iyanaritu Allataala iya pojiyéngngi ataratorokengngé; tenniya Allataala iya pojiyéngngi akacaungengngé. Pada-pada ripakajajiyangngé ri laleng sininna jema'na Allataala

Sitinajako makkuraga untu' mamaséiwi tau laingé. Sibawa makkuragato tarimai sining pabbéré iya nabbéréyangngé Rohna Allataala, lebbi-lebbipi amampungengngé untu' palettu'i rancana-rancanana Allataala lao ri tolinoé.

Sibalé'na tau iya palettu'éngngi biritta polé ri Allataala, napalettu'i lao ri rupa tauwé; untu' péwatangiwi mennang, untu' mpéréngngi sumange' mennang sibawa untu' saléworiwi mennang.

Tau iya mabbicaraé ri laleng basa iya makalallaingngé banna napéwatangiwi aléna bawang, na tau iya palettu'éngngi biritta polé ri Allataala natulungngi jema'é mancaji maju.

Passalenna alému, uwisseng macinna senna'ko lolongeng sining wéré polé ri Rohna Allataala. Iyakiya iya poko' senna'é, harusu'ko makkuraga untu' pakéi amampungeng iya tulungngéngngi jema'é mancaji maju.