Popular Bible Verses from 1 Musa 49

Share

Si Juda ngo menjèmak tongket kerajaen pinemparna ngo memerèntah soh mi amman sumendah. Merrohen mo bangsa-bangsa merembah luah, janah mersembah merkuraja i hadeppenna.

Si Josep tosè bagè kalodè bajar bagè kalodè meriar i gembar takal laè, lojang-lojang i pispis delleng. Iletlet musuh ngo ia iletlet merkitè panah.

Tapi tong ntegguh betekken si Josep sèurna tettap ntegguh kumarna kuasa Permakan Sintèmbul i, Dèbata si Jakob, perculenggemmen Israel. Dèbata bapamu ngo mengurupi ko; Perkuasa Sintèmbul i ngo memasu-masu ko merkitè udan i langit nai dekket laè i terruh tanoh nai. Merkitè dukak dekket lembu merkitè pagè dekket bunga.

Alè Juda, ijerngem kono mo tengkukuk musuhmu ipoji kaka-anggimu mo kono, janah mersembah i hadeppenmu. Bagè singa anè-anè ngo si Juda ijerngem ngo pangaenna, nai balik mi liangna; mengennat mo ia nai gempang isè poda pang pegerit-geritkensa.

Alè Ruben anakku situaen, kono ngo gegohku, buah perlebbè kegegohenku. Kono ngo simaholi janah simergegohna i karina dukak-dukakku. Kono murah goncang bagè laè, gabè oda nèngè merkesurungen, kumarna ipedemmi ko ngo denganku meddem ilamuni ko ngo pedemmen bapamu.