Popular Bible Verses from 2 Musa 3

Share

Nina Dèbata mo, “Aku imo AKU LOT. Janah èn mo kennah dokenkenmu taba bangsa Israel, Ukum sinigeraren AKU NGO AKU, enggo pasulakken aku mendahi kènè.

Ialoi JAHOWA mo, “Kudengani pè ko. Janah mula enggo iarak kono bangsa i mbungkas i Mesir nai, sembah kènè mo Aku luas i delleng èn. Imo tandana Aku pasulakken ko.”

Nai nina Dèbata mo, “Ulang ko ndessing. Talkasi mo cipatumi, ai tanoh simbadia ngo bekkasmu cènder i.

Nai nina JAHOWA nola mo, “Enggo Kuidah kinidersa bangsangKu i tanoh Mesir, janah enggo Kudengkoh tenggo-tenggo kalak i. Situhuna, Kubettoh ngo karina kinipersah kalak i. Kumarna i ngo asa susur Aku lako paluahken kalak i ibas tangan kalak Mesir nai, janah mengarak kalak i mbungkas i nagerri i nai mi nagerri mbellang kalohon. Mendè ngo tanohna janah nggabur, i iani bangsa Kanaan, bangsa Het, Amori, Feris, Hewi, dekket Jebusi ngo tanoh i bagendari.

Ipacidah malaèkat JAHOWA mo dirina tabasa merumangken bendella api mergollah-gollah i tengah rambah i. Idah si Musa mo rambah i lakat, tapi oda messeng.

Kupasulak mo ko bagèndari lako menghadep raja Mesir, asa ko menguluken bangsangKu mbungkas i nagerri i nai.”