Popular Bible Verses from 2 Musa 10

Share

Nai idokken JAHOWA nola mo taba si Musa, “Laus mo ko mengadep raja i. Enggo Kubakin mpihir perukurenna bagi dekket perukuren karina pugabèna, asa ndorok Kuhanaken kelengangen i tengah-tengah kalak i, janah asa ndorok isukutken kono taba pemparenmu bakunè carana Aku menusahi bangsa Mesir merkitè kelengangen-kelengangen i. Nai karina mo kènè memettoh Aku ngo JAHOWA.”

Nina JAHOWA mo taba si Musa, “Pekustang mo tanganmu mi babo, asa isangkemmi gellap tuiten karina tanoh Mesir.” Ipekustang si Musa mo tanganna mi babo, janah sidekkah tellu ari isangkemmi gellap tuiten mo karina tanoh Mesir. Oda nè mo lot kadè idah kalak Mesir, janah sidekkah bagidi sada kalak poda lot barang mikè. Tapi i gennep sapo kalak Israel tong ngo nterrang.

Ipekèkè si Musa mo tongketna mi babo, janah ibakin JAHOWA mo mengembus angin kebincaren mi nagerri i sidekkah mahar dekket bernginna i. Mayak siceggen iembah angin i mo balang ruar biasa buèna, gabè sap mo karina nagerri idi. Oda nung dèng idah jelma bagidi buèna balang, janah ipodinkenna nola pè oda nung masa nèngè bagi.