Popular Bible Verses from FILIPI 2

Share

mboi mkosewar ḇaḇefandun mankun mkoḇena ḇardi awer roḇa sanandik ḇeḇefromo awer. Inja iḇye kuker randun sne mkomam min mkoḇesi sikaki syadi ro mankun mko; ma mkono oser-oser syewar fandun mankundi ḇyena awer, ḇape fandun snonkaku ḇesesya kako.

Iḇye ro kankenem kayam mkona, swaruser ma ḇaḇir raris kosma ro Yesus Kristus kako

I kada imnis kuker Allah, ḇape kyara ḇaḇaḇeoser ḇyedi ḇemnis kuker Allah, nari iḇriwarek naḇa. Mboi ryir nakam kwar ma ḇyeimnis mankundi raris manfyan oso. Imnis raris snonkaku, ma ikenem imnis snonkaku. Ryun mankundi, ma ikenem kuker aunos faro Allah isof imar – isoine spai ro aprop faimar.

snar Allah iso ḇefararur ro mko iḇye marisen ma ro fararur kako imnis marisen ḇyedi.

Eḇedari Allah ikanowi fa ikaki syadi, ma ḇyuk faroi snonsnon ḇeba syadi ro snonsnon besena kam. Ma faro ḇaḇesyowi Yesus, roi ḇeḇor kam ḇekenem ro boiyaswa, ma ro supnane baḇna, nari nbansuba faroi. Sikam nari skarem Yesus Kristus ikada Manseren, ma rarirya Allah Kmaya isma syom.

Mkofrur roi ḇeḇor kam kuker sasurem ma famfaḇri awer, ma mkofrur sasar awer, imnis Allah romawa ḇesren ḇyesi rofandu snonkaku ḇeḇarḇor ma ḇesasar ma ḇeḇor sine, isof mkosna rofandusi imnis maksya ro supswan ine

Naek srar yaswar kaku mkoine, indo mkoḇeuser; inja mko fararur faswef ro sasewar koreri mkoḇena kuker makakak ma araryof, imnis raris rofyor aya isya rofandu mko, mboi isyadi baboine rofafisu aya isya rofandu mko ḇa kako