Popular Bible Verses from 1 KORINTUS 2

Share

Ḇape snar sfas ro Refo radine, “Faro snonkaku ḇeswar Allah, Allah fyasos roi ono kwar snonkakusya smam roḇa simnaf ḇaim ro snonkaku, ma nek ḇaim ro snonkaku sisnesna.”

Snonkaku ḇena Allah Rur ḇyediḇa, nari saksma rosai Rurya fyasna naḇa. Snar faro snonkaku ani, roi sikofen anna namnis ḇaḇefawawi royoḇa monda. Snonkaku ani ifawi naḇa, snar roiḇebor anna skara na ro ḇar Rurya.

Ḇape Allah fyasna na kwar maḇe ko, kuker Rur ḇyedi. Allah Rur ḇyedi kyukeḇ roiḇebor kam, isof ro Allah aw ḇyena ḇeyokef kako.

Ma Allah ḇyuk ḇeko, rur ro supswan ineḇa mboi Allah Rur ḇyedi, insa kofawi roiḇebor kam Allah ḇyukma ḇeko na.

Ḇape ḇararyas yaḇaryas faro naek srar, yaḇaryas na kuker fawawi snonkakuḇa. Mboi yaḇaryas na kuker nyan ḇeḇair papoik ro Allah Rur ḇyedi monda. Naek srar mkomam roi nane kwar. Yafrur rarirya insa kakyar naek srar mkoḇena faro Allah nḇeknam ro fawawi snonkakuḇa, mboi nḇeknam ro Allah papoik ḇyedi.