Popular Bible Verses from FILIPI 3

Share

Tantuna, cina ra angi, nahu sapodakaina wati iuku b̄a one nahu wa'ura rakaku hadia rafou ede. Pala wara sab̄ua lampa rawi rakarawi b̄a nahu, eded̄u nefa b̄a nahu au ramawara d̄ikontu nahu, ro usaha kapodaku rakakai au ramawara d̄i tando. B̄ara ndedena, nahu rai ncau-ncauku lao aka kane'e cumpukaina d̄i rakakaiku ngolu, eded̄u mori d̄i saroga; ru'u edeku Ruma Hatalla oukaina ndaita kai ncai Ruma Isa Al Masih.

Sab̄uampa menana d̄ine'e b̄a nahu eded̄u loakud̄u nahu pataku Al Masih, ro kai iu kuasa ma kamori Sia rad̄i madena. Nahu kane'e b̄atu susa ra ncoki lab̄o Sia ro ndad̄i sama b̄une Sia ade lampa rawi madekai-Na. Ro pamao b̄a nahu b̄a one ndai nahu d̄i kamori mbali rad̄i madekaiku.

Laina lampa rawi-lampa rawi ede mpoa; pala sara'a lampa rawi-lampa rawi wi'ikai b̄a nahu ma kamaikaina rugi mpoampa. Kantau b̄a nahu wakatu ake eded̄u nancewi taho co'i: eded̄u pata Isa Al Masih, Rumaku. B̄ara Al Masih, ndad̄i nahu wa'ura horiku samenana. Wi'ikai b̄a nahu sara'ana ede kai masaki mpoampa, loakud̄u nahu loa raka Al Masih

Pala b̄ara Al Masih, ndad̄i sara'a ma ntoina wi'ikai b̄a nahu kai sab̄ua ma kamaikaina laba, ake nandad̄i sab̄ua ma d̄i rugikai.