Popular Bible Verses from EFESUS 2

Share

Ndaita eded̄u rakandad̄i b̄a Ruma Hatalla, ro ra kandad̄i kai ncai Ruma Isa Al Masih d̄ikarawikai lampa rawi ma taho rasadia b̄a Ruma Hatalla sawatipu b̄a ede. Sia ne'ena loakud̄u ndai mori ta d̄ei adena.

B̄ara hadia rambei b̄a Ruma Hatalla nggomid̄oho rakasalama b̄a imbimu, ede laina hasi usahamu, pala rambei b̄a Ruma Hatalla, ede laina hasi rakarawimu loakud̄u b̄ab̄aina wara dou ma kasombo weki.

Pala nawancuku na'ena rahama Ruma Hatalla! Sia nawancuku meci ra ca'una ndaita, ndad̄ina d̄i wakatu ndaita mbuipu made sacara ade maraso b̄ara rasapa b̄a ndaita, Sia kamori mbalina ndaita sama-sama lab̄o Al Masih. Ndad̄i, b̄ara taho ade Ruma Hatalla, nggomid̄oho d̄ikasalama b̄a Sia.

B̄ara ndaita sab̄ua lab̄o Ruma Isa Al Masih, Ruma Hatalla kamori mbalina ndaita sama-sama lab̄o Sia, loakud̄u ndai doho sama-sama rau lab̄o Sia d̄i ade saroga.

B̄ara ndedena, nggomid̄oho watid̄u lu'u d̄ei dou lai rasa atao dou ari lua. Nggomid̄oho ake eded̄u sama-sama dou ela Ruma Hatalla. Nggomid̄oho eded̄u anggota-anggota kaluarga Ruma Hatalla. Nggomid̄oho rau ratu'u ese wawo dasa ratoho b̄a rasu-rasu ro nabi-nabi, lab̄o Ruma Isa Al Masih mandad̄i wadu ma penti poda.