Popular Bible Verses from 2 KORINTUS 9

Share

Ruma Hatalla makuasa mbei bareka maremba poda d̄iru'u nggomid̄oho, loakud̄u nggomid̄oho mantau ncau au raparalu b̄a nggomid̄oho; nggomid̄oho d̄i mancewi ru'u karawi mataho ro amal.

Sanikina dou pab̄uaku mbeina b̄era rela b̄a adena. Aina sia mbeina kai mbali mbua ade atao kai pakasa, b̄ara Ruma Hatalla nameci ra ca'uku dou ma mbei kai sana ade.

Kawarapu! Dou ma pari d̄ei sato'i-sato'i d̄imaweha hasi sato'i rau. Pala dou ma pari d̄ei mamboto d̄i maweha hasi ma mboto rau.

Ruma Hatalla ma sadia wea d̄ei d̄iru'u dou mapari ro ngaha ra nono d̄iru'u ndaita. Sia rau d̄imasadia weana ro nakambotoku au rapari b̄a nggomid̄oho, loakud̄u hasi ncera ra mbura ademu naha mboto rau. Ade ndedekaina nggomid̄oho d̄imancihi ade samenana lampa rawi ndad̄i nggomid̄oho maloa mbei ncau kai ncera ra mbura ademu. Ro rambeimu racengga-cengga b̄a nami, nakandad̄iku mboto dou marenta tarima kasi d̄i Ruma Hatalla.

Pab̄uaku ndaita syukura d̄i Ruma Hatalla d̄i au rambei-Na ma wancu heba poda ede.