Popular Bible Verses from 2 KORINTUS 4

Share

B̄ara nami wati tio kab̄aemu lampa rawi ma tada, malaisi ma wati tada. Ma tada nawa'u taha samporompa, pala ma wati tada ede ederahid̄i ngge'empa santoi-ntoina.

B̄ara ndedena nami wati kompo kananumu. Konena nami sacara sarumbu kasa wa'ura naha iha, pala kai ade mpida nami rakandad̄i b̄ou d̄i sanikina ainaina. Ro susa ma wati ipi ake, d̄i iu b̄a nami ru'u samporo, d̄i mambei hasi ru'u nami sab̄ua mataho ra ntika ma'ipi poda ro ma ederahid̄i. Taho ra ntika ede ncewi na'e poda nggara ntewi kaisi susa ra ncoki ede.

Nami radei rad̄i sara'a kalompo, pala nami wati rakali hapi. Nami mbora akamu, pala wati sampe kompo kananumu. Mboto ma musu nami, pala nami wati parana ngge'e ndai kese. Ro kone ntuwu nami rab̄oe sampe mabu, pala nami wati mademu.

Pala ntau ra wara ade maraso ma ntika ede nami wa'amu d̄i weki ndaimu ma wati wara co'i ake randawi kai dana. Ade ndedekaina tadara b̄a one na'e ra ntoruna kuasa ede wara d̄i Ruma Hatalla ro laina d̄i nami.

Berhala madab̄ae ma kuasakai dunia ake mab̄onto fiki ra kananu dou-dou ma wati imbi ede. Siara ma tapa-tapana siad̄oho loakud̄u siad̄oho wati edana taroa rad̄i Haba Mataho ede mab̄oha na'e ra ntoruna Al Masih, eded̄u gambarana Ruma Hatalla.

Ruma Hatalla ma nggahi, ”Pab̄uapu rad̄i d̄ei marindi wontu taroa,” Ruma Hatalla ede rau ma kawontuna taroa ede d̄ei ade ndaita, loakud̄u fiki ra kananu ndaita ndad̄i taroa d̄i loakai ka'ao d̄ese ra ntasa Ruma Hatalla ma kalea d̄i pahu Al Masih.