Popular Bible Verses from ROMA 8

Share

Kita toiyo baikon ko Mian Bisa ature sasaibino kolangge, tobikon olubatene komo monondok doi mian mo seseange yana tukon mo inuang pokokonoi tukon kona tetel.

Sabab yaku anggayo tuuno baikon doi posaapon kodunia, mau matean mau tuboan, mau malaekat mau ponguasa, mau polobosian-polobosian naiya budodoo, mau polobosian-polobosian doi lounu naikon mo lubat kai bukuanan-bukuanan bailon; mau langge-langge doi timbu, mau langge-langge doi dunia lalomo kai oilamo kobailon, sasaibino aki namoola alangiyo ko Mian Bisa moseange kita, buno komo lapamo tudoikene luwe Kristus Yesus, nda Temeneno.

Bunomo koidan ko Mian Bisa Na Roh lubat tulunge kita kalu kita lemah. Sabab kita aki nda toiyo bulaando kona tutuuwan konda sambeangan; do Rohdoo susuungo mangadap doi Mian Bisa tuuk mokabiyo doi kita tukon poloonan tuuno tobikon aki namoola nabantile.

Oila komo moola binantil budodoiya tentang sasaibino doiya? Kalu Mian Bisa ala doi kita, indee komo moola lawane kita?

Budodoiya akiyono koidan koukuman doi yanila mo tubo pomeenggon tukon Kristus Yesus.

Kalu komu pikilan banggapi natabiat kuasaiyo, maka kona akibat matean. Bai kalu komu pikiran Mian Bisa Na Roh kuasaiyo, maka kona akibat doiyamo tuboan maka sanaangan tukon Mian Bisa.

Aki! Tongo doi lalomodoo sasaibino kita malaat kamanangan mo bisa doi Yana mo seseange kita!

Sasaibino kosakisaawan kita mo toupiyo budodoiya, menurut daku palaat, aki namoola pinosasalakon tukon namonondokan naikon mo inokitakon doi kita.

Oilakai daano komo moola alangiyo Kristus naseangano kita? Moola kai kokasusaan naalangiyo, kai kasukaran, kai poloilokisan, kai malaalan, kai talalaisan, kai silakaan, kai matean?

Maka ko Mian Bisa mo toiyo kobanggapi noano lalomo, mangalatikene do Rohdoo namongiasan; sabab do Rohdoo kabiyo doi Mian Bisa tuuk doi Mian Bisa namian, tukon pokokonoi ko Mian Bisa namongiasan.

Ko mian-mian mo Mian Bisa Na Roh motuntune, daanon Mian Bisa napau-pau.

Mian mo tubo motulutiyo kobanggapi natabiat, banggadudul pikikene oila komo iniyas doi banggapi natabiat. Bai komian mo tubo tulutiyo ko Mian Bisa Na Roh, banggadudul pikikene oila ko Mian Bisa Na Roh nainiyas.

Na Pau susuungo aki naseseange, bai Yana salakanggene tuuk kita sasaibino nakopontingan; bulaa kai Yana aki naikon nabeekene doi kita sasaibino kolangge bailon?

Mian Bisa Na Roh polaing-laing tukon kita Na Roh okitakene baikon kita daano Mian Bisa napau-pau. Nah, kalu kitadoo daano napau-pau, maka mau nai kita nia daano napangalus naikon mo mantalima berkat-berkat Mian Bisa mo sadiakene tuuk doi napau-pau. Kita naikon mantalima polaing-laing tukon Kristus oila komo lapamo Mian Bisa sadiayo doi Yana; sabab kalu kita sakisaa polaing Kristus, kita naikon kinabasal koidan polaing Yana.

Mianno napikiran mokinuasai tukon banggapi nasipat, do mianoo pomusu tukon Mian Bisa; sabab do mianoo aki naloingiyo ko Mian Bisa naaturan; tukon takainomo yana aki naloingiyo ko Mian Bisa naaturan.

Sasaibino kodunia montotiili tukon poloon tuuno naikon kotempono ko Mian Bisa naokitakanano Na pau-pau.

Kita toiyo baikon polong doi tempo naposaapon kodunia bebe sabab sakisaa buno meeng koboloki mosakisaa doi tempo namosuungan pau.