Popular Bible Verses from ROMA 5

Share

Bai ko Mian Bisa okitakene kona maasi doi kita salataa Kristus mate tuuk kita doi tempodoo kita daano mian mobaladosa.

Moinian mo buno naiya aki naikon naokimaayo kita, sabab konoanggita lapamo Mian Bisa totuiyo tukon namaasi. Mian Bisa lakukanggene doiya tukon lolo doi Na Roh, mo lapamo beekene doi kita.

Tukon lobian doiyadoo, kita lakon laba-laba doi sakisaa lalomo, sabab kita toiyo baikon kosakisaa kubaiyo komian teali moonggol, tukon domoonggolanoo naikon kubaiyo komian taane koudian; naiyamo komo sumbetene komoinian.

Diabudodoo kita lapamo pokindokon koidan tukon Mian Bisa, sabab kita mangangga. Tukon doiyamo kosababpo kita tubo doi podamean lalomo tukon Mian Bisa lolo doi nda Temeneno Yesus Kristus. Sabab kita mangangga doi Yesus, maka Yana moolakene kita molasaiyo ko Mian Bisa namaasi, tukon do maasidoo doiyamo kita tubo diabudodoo. Tobikon doiya kita laba-laba sabab kita daano konda moinian baikon kita naikon daano motoupi kona monondokan Mian Bisa mo beekene!

Salataa kita daano doi ndondoong akiyono kodaya, Kristus mate tuuk doi kita doi tempo motapaat Mian Bisa motantukanggene; banggokai kita mian mododoon doi Mian Bisa.

Diabudodoo kita lapamo pokindok koidan tukon Mian Bisa mololoi Kristus namatean; tobikon doiya pasti kita naikon sinalamaton koidan luwedoi Mian Bisa nanggimalan doi Kristus.

Tukon bunomo lakon badaang komian moteali mian mobaladosa sabab meeng komian moaki nataat, bunomo lakon koidan badaang komian mominoolakon pokindokon koidan tukon Mian Bisa sabab meeng komian motaat doi Mian Bisa.

Tukon lobian doiyadoo, kita laba-laba koidan luwe Mian Bisa namonondokan mololoi nda Temeneno Yesus Kristus. Sabab mololoi Kristus, kita diabudodoo lasaiyo konda potaamian mo monondokoo tukon Mian Bisa.