Popular Bible Verses from RASUL-RASUL SALITANO 20

Share

Doi sasaibino kolangge yaku lapamo mebee sontoh doikoo baikon tukon balimang kakabukuan buno naiya kita sio nda tulungiyo komian mo aki nabukuan. Sabab kita sio nda neneeke naikon oilamo komo Yesus susuungo lapamo bantile, ‘Lobian koanggano mebeean tukon doi mantalimaan.’ ”

Bai yaku aki kupopusinggon daku tuboan nia, asal yaku lapamo alapayo daku tugas nia Temeneno Yesus mo beekenemo doi yaku, tukon asal kusatia polong doi kutuboan napupusan tuuk basalitakanano ko Bilita Monondokoo tentang Mian Bisa namaasi.

Siokai komuyu podagaiyo kobutomuyu tukon pobadagai kai koidan sasaibino koanggota jemaat mo lapamo Mian Bisa Na Roh salakanggene doi komuyu sulano dinagai; sabab komuyu lapamo biningkat moteali padagai do anggota jemaatoo. Siokai komuyu podagaiyo ko Mian Bisadoo naanggota jemaat pokakana kopadagai domba, sabab ko Mian Bisa lapamo tealikene do anggota jemaatoo koonamo nalangge susuungo luwedoi napaudoo susuungo namatean.

Budodoiya yaku salakanggene komuyu doi Mian Bisa sulano yana komo pialayo komuyu tukon sulano komuyu pobataani doi bilita Mian Bisa namaasi. Ko Mian Bisa daano kona kuasa sulano naekeenggele komuyu tukon mebee balakaat-balakaat mo lapamo sadiakene tuuk sasaibino kona mian.