Popular Bible Verses from 2 KORINTUS 4

Share

Sabab kami aki mai palahatikanggene kolangge-langge mo tokita, bai tolongo mo aki natokita. Komo tokita tolongo soisik kona bataanggonan, bai komo aki natokitadoo bataanggon sidutu polong posidutukon.

Doiyamo kosababpo kami aki naputus asa. Mau kai kami secara tuboan doi dunia pololokon tosuungi kona manasan, bai secara konoanggami kinubai boolu samba-samba kooloyo. Tukon susaan mo aki namoindukon nia, kami mo toupiyo soisikeen, naikon yana lubatene doi kami komeeng komondokan mo bolikon langge tukon posidutukon. Do monondokanoo lobian odoon kona babasalan kalu pinotimbongiikon tukon do susaanoo susuungo.

Kami minusu doi sasaibino kolangge, bai kami aki madipot. Kami pusing, bai kami aki mai putus asa. Badaang komo musuiyo kami, bai kami aki nabaino dungol susuunggami. Tukon mau kai kami idan-idan mai inumbas polong otuwong, bai kami aki mai mate.

Bai do buatoo rohani mo monondokoo kami babayo doi butonggami mo akiyo koanggano nia mo kinubai luwedoi buta. Tukon buno doiya totingoniimo baikon do kuasadoo nababasalan kona tangabosan doi Mian Bisa bolikon doi kami.

Ilah molokis kuasaiyomo naiya dunia nia tutupemo komian badaang napikiran mo aki namangangga. Yanamo komo hala-halangiyo yanila sulano yanila aki namokita madialan moluwedoi Bilita Monondokoo tentang Kristus nababasalan, mo buno Mian Bisa gambalo.

Mian Bisa mo bantile, “Siokai luwedoi kalipookan lalomo maka nasumbut komadialan,” Mian Bisa doiyamo kona sumbutan do madialanoo doi noanggita lalomo, sulano konda pikiran teali madialan sulano nda pahamiyo ko Mian Bisa nalalaangan mo montoontilang doi Kristus duduso.