Popular Bible Verses from Roma 3

Share

Kitaꞌ upu-upu tauna to madósá, onoꞌ miꞌi haneꞌi tiꞌarakeꞌ hintotoꞌ molámbiꞌ gáláꞌtaꞌ i lalu kameawaꞌNa. Agáiáná ánti kanahómpókintaꞌ Kerisitu Iesu, Pueꞌ Ala mokábáhámokeꞌ hangko i huku dósántaꞌ, hai Narekeꞌmokeꞌ manótó i peitáNa. Upu-upu iti Naweꞌikeꞌ mbero hangko i kabulána laluNa.

agáiáná mewaliꞌkeꞌ manótó i peitána Pueꞌ Ala ánti kamepoináláintaꞌ i Iesu Kerisitu. Upu-upu tauna to mepoinálái i Iesu narekeꞌ Pueꞌ Ala manótó i peitáNa, láwiꞌ Ia tiꞌara mampopontaniꞌ toIahudiꞌ hai to tiꞌara toIahudiꞌ.

Pueꞌ Ala mohuhuꞌ Iesu nodo popenómbá bona mewaliꞌ rárá podame. Iesu rapapate hai mabubu waheꞌNa mouláꞌ popakanótóna Pueꞌ Ala. Ia rahuku mosulewátáikeꞌ bona teámpungi dósántaꞌ, hai tiꞌarapokeꞌ nakabukoꞌi Pueꞌ Ala ane mepoináláikeꞌ i Iesu. Hangko tiꞌara mani Iesu mate, Pueꞌ Ala tiꞌara mohuku upu-upu tauna to madósá. Ánti kasabaraꞌNa iti, ara dósá tauna to Napatodáhi peá i tempó iti. Agáiáná deꞌe-deꞌe, Pueꞌ Ala mopatongawaꞌ kamanótóNa, láwiꞌ Ia mopakanótó upu-upu tauna to mepoinálái i Iesu, álána mewaliꞌheꞌ manótó i peitáNa.

Tiꞌara ara haweꞌ hadua to peisá rapakanótó i peitána Pueꞌ Ala ánti pampeuláꞌiraꞌ Paturoꞌna Musa, ngkáliꞌna riꞌi moliu Paturoꞌna Musa iti, tauna moisá kamadósáraꞌ.

Láwiꞌ hangkoia teukiꞌ i lalu Sura Magasaꞌ to manguliꞌ node: “Tiꞌara ara haweꞌ hadua tauna to manótó i peitána Pueꞌ Ala. Tiꞌara ara haweꞌ hadua to moisá apa to maroꞌa. Tiꞌara ara haweꞌ hadua to mampoinao ntepuꞌu moisá Pueꞌ Ala. Upu-upu tauna motaleuki Pueꞌ Ala. Tiꞌara piꞌi mobunduꞌ katueꞌraꞌ. Tiꞌara ara tauna to maroꞌa bábehiáraꞌ, haweꞌ hadua tiꞌara ara.

Deꞌe miꞌi tunggáiána laluitangkuꞌ: kitaꞌ mewaliꞌkeꞌ manótó i peitána Pueꞌ Ala, tiꞌara hangko i bábehiántaꞌ to maroꞌa mouláꞌ Paturoꞌna Musa, agáiáná ánti pepoináláintaꞌ.

Tiꞌara noꞌonoꞌ. Kehapiꞌ araheꞌ tauna to tiꞌara mobukeki dándiraꞌ, Pueꞌ Ala bateꞌna ina mobukeki dándiNa. Hangaa-ngaa tabuhinao apa to nauliꞌ Datu Daudiꞌ hangkoia. Nauliꞌ node: “Ó Pueꞌ, toꞌu to Nuꞌuliꞌ. Kehapiꞌ ba heáná peá to mosalaꞌiKoꞌ, bateꞌna hangaa-ngaa rapangákuꞌ kamanótóna laluitaMu.”