Popular Bible Verses from Roma 3

Share

Aka' madosa asangngingkea', anna daiingkea' umbabe kamarohoang ang situhu' pahtuyunna Puang Alataala pano di kita'. Ampo' aka' mana' pa'kalemunna Puang Alataala lambi' nalahpa'ingkea' di hao mai di tahungkunna dosanta; naangka'ingkea' maroho aka' puhaingkea' nasulängngi Kristus Yesus.

Napamarohoingkea' Puang Alataala ke mampetahpa'ingke pano di Puang Yesus Kristus. Napanoa indee pano di ingkänna tau ang mampetahpa', dai aha nasehalii.

Situhu' pahtuyunna Puang Alataala, nasuhung umpebeaing Puang Yesus dipatei anna titollo hahana anna malai untangkung dosanna hupatau, lambi' la diampungngi dosanta ke mampetahpa'ingke pano. Naonge dake' aha ungngolai kamateang Puang Yesus, sa'bara'ke' Puang Alataala didiona dosanna hupatau lambi' dake' sika natahungkung. Napanoa inde Puang Alataala anna malai tandaang dai manse'la-se'laang. Dianto lalanna anna umpalanda'i kamarohoanna Puang Alataala ungngolai kamateanna Puang Yesus naonge unsulängngi hupatau. Dahi dinoa, tandaammi kamarohoanna Puang Alataala, anna ungngangka' maroho ingkänna tau ang mampetahpa' pano di Puang Yesus.

Dai aha tau ang naangka' maroho Puang Alataala aka' untuhu'i Atohanna Musa. Setonganna ungngolai ingkänna Atohanna Musa ang tiuki' lambi' tainsang si'da-si'dai taoatee puhaingke umbabe dosa.

Sinnoa ang tiuki' yaling di Suha' Masero naoatee: ”Dai aha tau ang maroho, moi poro la mesa. Dai aha ang bahahsi inahanna di olona Puang Alataala. Dai aha ang umpeäng Puang Alataala, Ingkänna tau ungkebo'i Puang Alataala, dang kekuna katuhoannaii. Dai aha ang mengkero mapia, moi poro la mesa.”

Aka' ang handang pahallu yaling inde di suha'ku, dianto: marohoingkea' di olona Puang Alataala aka' kapampetahpa'anta, tadia aka' pembabe mapianta untuhu'i Atohanna Musa.

Moinnakato anna loseng asangngi ingkänna hupatau, ampo' tula'na Puang Alataala tahpa' lolo nei'. Aka' aha tiuki' yaling di suha'na Tomaraya Daud naoatee, ”O Puang, ahana inang tahpa' pa'karammu. Sihatangngete' umpasalaä' aka' tahpa' pambohtummu.”