Popular Bible Verses from Efesus 2

Share

Aka' kita' indee dianto pampadahinna Puang Alataala. Ungngolai kasikenteanta Kristus Yesus lambi' malaingkea' umpembabeing ingkänna yato pembabe mapia ang puhaingkea' napatoka lohpo'ing.

Aka' pa'kalemunnanto Puang Alataala lambi' napasalama'mokoa' aka' mampetahpa'koa' pano di Puang Yesus Kristus. Tadia aka' pembabe mapiammu lambi' napasalama'koa', ampo' aka' mana' pa'kalemunna. Dahi dai aha mesa tau ang la mala mangngoatee, ”Pembabekuntoo anna malaä' salama'.”

Ampo' dai aha ullondoi pa'kalemunna Puang Alataala! Anna sundung yato pa'kalemunna pano di kita' lambi' napatuhoingkea' sumule sibaha Kristus moinnakato anna matekingkea' di mendehatanna donetoo aka' daingkea' tuhu'-tuhu'ang. Pa'kalemunnantoo Puang Alataala lambi' napasalama'mingkea'.

Anna kasikenteanta Kristus lambi' napatuhoingkea' sumule Puang Alataala sibaha Kristus Yesus di hoi' mai di alla'na to mate anna napaohko'ingkea' sibaha yaho di suruka yato di ongeang kamatandeang.

Dahi tadiamokoa' pole' tau senga' bahtu' to sule. Ampo' dinoa mendahi asammokoa' petauanna Puang Alataala, anna sanghapumokoa' sibaha Puang Alataala. Kasikenteantaa' to mampetahpa' sihapang mesa dasang ang napake'de' Puang Alataala di hahona ingkänna rasul sibaha nabi. Aka' rasul sibaha nabi sihapang busung. Anna Kristus Yesus nei', sihapang lapohki'.