Popular Bible Verses from BAPOROMTAM ATAKAM 20

Share

Wan owe, ajuas, era Jiinenak Aememaartas Owe Juas Aptam Buku bomon, ere apok. Tuhan, era owe, era daytinak jisimak asan akoromtukume.

Dere era dambir aemes juas aptam oweam, juas apok oweam, era fe baemap asan bipu aememes aporo. Era fe asan ten aemape Ipit buku paratakopak awaramompe. Are wan buku taka awaramompe. Ere Jiinenak Aememaartas Owe Juas Aptam Buku erare. Erarawa, era buku paratakopak, dambir aemes owe, era aemaaris pak atakam are. Tuhanam, era owe aemaaris pak jipu, atakam basakamtii buku atakam jipu are.

Era itimbup bwi dambir aemes owe, era bwi bomon asewasies. Era Dambir Owe Baemap Asan aemapes oweam ajises. Emesare, era dambir aemes owe takes ajaorwasites. Tuhan arawa, era owe era aemaaris pak jipu, bajurusum, atakam asakamtiie. Tuhan arawa, era dambir pakam, era Dambir Owe Baemap Asanam, era daytinak jisimak asan bomon akoromtukume. Era daytinak jisimak asan, ere dambir boem asan are.

Emesare, dere owe baomep fe baemap asan daytu fasar aporo. Denom era fe asan ten aemape Ipit aporo. Ara tapirmiam, era wonamo oupam, era Ipit bipu ajaniostemas. Emesare, are apok are.

Emesare, tahun 1.000 asakeaptas, Tuhan, era Bii Kapar Ipit, ara bakimomep asan asurumjisimtem. Era Bii arawa, ara tapirmiin tapirmiin owe samane, potet batutum aesostem. Me wan owe samane juas Gog. Me wan ere, juas Magog. Bii Kapar Ipit era owe jii bajamom ajarisimapomtem. Era ajarisimapomto owe bisin tananenak tamen are.