Popular Bible Verses from BAPOROMTAM ATAKAM 14

Share

Emesare, dere Surga oup atakam jane ajio. “Ara atakam aeapomey. ‘Waa ajiire, Tuhan ajamkaimas wanam dambir aemmas owe, ere asan akotnak aemapmas.’ Emes atakam aeapomey.” Emes atakam jane ajio. Me Allah Jipam atakam akore. “Ijee! Allah, era owe akot aemaaris pak aporem. Erarawa Are era owe asan akot aemtem. Emesamare era owe wuturu karai aeaaris pak, akoromtiitemas.” Emes atakam aesime.

Erarawa, Allah aowe, jak fiak baememaartas. Ere Allah basakamtam atakam ji baeam, Yesus bajamkaiaaram, emes owe are.

Are atakam afaketaere. “Allah era owe bajurusum bare, ere eteemansar. Erarawa Armat Ipit ombare ambaray. ‘Allah akotnak,’ emes atakam aesimay. Bonaknak ere, Allah, wonamo oupam, era tapirmiam, itimbup bwiam, era tapirmi amba ajismar bwiam, takes akenemapome. Emesare. Tanom tere Armat Ipit aeomay.” Emes atakam aesime.

Wan malaikat arawa, bonak malaikat jamnuk fe asaramome. Are atakam daytu afaketaere. “Wan owe era binatangam, era binatang etoam, asitimemas. Are era binatang juas wao, era abipis apaye, aban apaye, apakeapa. Allaham jak ambapnak era owe aemtem. Emesare, Are jak ambap anakotnak era owe aemtem. Are jisimakam, ambapnak jirimi pakam, emes aememas owe, ajurusumtem. Are era owe, turunak malaikat owe bipuam, Domba Jii bipuam, ajurusumtem. Era owe bajurusum pak jisamun, juiin juiin apurimomtemetaartem. Anom bakari apoknak. Era binatangam, etoam, asitimmas owe, jokam, eamam, ajirisemaartemas. Era binatang juas wao aptam owe, jokam, eamam, ajirisemaartemas.” Era malaikat emes atakam aesime.

Emesare, dere banamek apeomo. Era asan Domba Jii era fami juas Sion oup aememe. Owe 144.000 era Domba Jii takan aememes. Era owe, Domba Jii juas waoam, Aritipit juas waoam, abipis taka taka apakeapes.

Emesare, dere wan malaikat taka wonamo oupnak apietemete aporo. Are Jiinenak Baememaar Akot Atakam atoome. Are era atakam ara tapirmi owe takes bakoretamen. Era atakam, era owe samane takes oweam, taka taka atakam takes oweam, ara tapirmiin tapirmiin takes oweam, jane bajie atakam are.

Emesare, wan malaikat bonak malaikat fe asaramome. Anom atakam afaketaere. “Danais aemanse! Era daytu kota juas Babel, era danais aemanse! Emesare, era kota, samaniin samaniin takes owe, era asan pota pak takan baem, jinamo atam eme. Allaham, jak ambap, emes asan pota pak aememas owe, aemtem.” Emes atakam aesime.