Popular Bible Verses from IBRANI 9

Share

Kristusam emes taka aeme. Armat Ipit adamo Allah ataetiitame. Are owe tanane adosa bandatetaer, dambir bare takanak ateme. Are aojisemtem. Me, Are dosa bakokomosom bojisem apok. Are abanamek apemes owe bajortaer aojisemtem.

Era pak ere, koser. Me Kristus esee ere, daytinak pak aemmaro. Allah Jip, ere jiine baememaar. Are Kristus takan aemomen. Erarawa Kristus, adamo Allah ataetiitamen. Era ataetiitame pak, anakotnak pak. Emesare, era akot aemporaarum pak, dambir aptam pak taka. Kristus esee ere, dambir pak asurumtammaro. Aeseeam, dajak bomon pota pak atakam, akokomosomtammaro. Erarawa dare, Jiine Allah, bambi karai baetam are.

Emesare, owe takes, dambir takanak atemtemas. Dambir atemtas arawa, Allah, era owe adosa, atakam asakamtiitem.

Musa Basakamtam Atakam bomon Allah Tame pak baem owe, esee tananenak atuturumapomemas. Era esee akot baemapom pak. Allaham esee apok aporto, are dosa bimak binip baemejanimemtam asan apok.

Emesare, Kristus emes aemen. Era Armat Ipit era ai ataaji atakam bajomattam Ipit baemem are. Erarawa Allah ajate owe, asan akot aememaartemas. Ere Allah akore atakam jipu. Owe era bonak ataaji bomon aemapaaris ere, are dosa aemaaris. Me, jipit taka dambir ateme. Era dambir ateme pak, dosa basurumtam are. Ere era owe, asan akot baemapaar are.