Popular Bible Verses from GALATIA 5

Share

Me, Allah Jip aemomemtas owe, are emes owe aememtemas: Are bafaim jak atetamum. Are jak akotam, ji baem jakam, jak jiraoam, atatastu jakam, akot pak baem jakam, atakamnak bakore jakam, emes pak atetamum. Are tayieakot jakam, jak fiakam, atetamum. Emesare, owe emes pak baem, era agama basakamtam atakam buku atakam baoo pak apok.

Era akoremin atakam ere, Tare Allah Jip atakam jipu aemaaray. Erarawa tare ere taasamot jak basenomem pak jipu baem apok aemtemakam.

Me Allah Jip ai jiine atetamteterero apaye, emesare Are dara baemomemkoromtaro.

Wan owe, Kristus Yesus aowe. Era owe ara asamot jak era salib wus oup ataetopomteteres emes tamen are. Ere, era asamot jak, asan pota pak baemam, pota pak baemam, asenomem.

Era asamot jak basenomem pak, ere baso. Ere okore are. Asan pota pak baem are. Bambi potanak pak baem are. Eto basitim are. Tapak pak baem are. Bifane are. Owentakam are. Owe bet baeom are. Atataren fef are. Owe adamo bimak binip taka bajanimomem are. Atakam bajamkoram are. Owe bajampapamamtaa are. Owe pak itim bakeomem are. Bir bwi banda jaytu are. Pota pakambwi baem are. Me wan emes pota pakam baem are. Emesare. Emesare, bonak ere, dere ataane tara aoweomo. Waa are, denom ataane tara aoweommin: Me emes pak baem owe, Allah aobaomep owe akot pak basamo baemeta asan apok owe.

Dejoo owe akotnak! Kristus, tare era Yahudi Basakamtam Atakam damon boemap apok, emes ajaten. Tare era Basakamtam Atakam bomon boemap apok ere, tanom era asamot jak basenomem pak jipu baem bas. Tare ere, ajamfaimamay. Wanam asan akot ajamemamay.

Me asamot jak basenomem pak, Allah Jip atutumum. Me Allah Jipam era asamot jak basenomem pak atutumum. Emesare, era jamnuk ajamomemamis. Erarawa, tare era akot apormakam pak jipu baem apok.

Musa Basakamtam Atakam Buku atakam takes, ere Basakamtam atakam takakope tamen. Era basakamtam atakam taka ere, “Wore owe, damo woma afaimemarem, emes tamen afaimey.” Allah emes atakam asakamtamum.

Dare damba baemetemtem bas. Danom darmamon atakam bajamtutumamat bas. Danom darmamon itim bajamkakeamat bas.

Emesare, Kristus asurumtamero. Armat Ipit, dare asurumtamero owe anakot, emes baememaar, akot ajim! Erarawa tare emes ajakajiremay. Tanom era wuturu pak Yahudi owe basakamtam atakam bomon boemap bas.