Popular Bible Verses from 2 PETRUS 2

Share

Me, Bii Kapar Ipit, turunak owe, dosa baem atatapimtaaem. Me, Allah era pak bojorem fiak pak era turunak owe batetam amsam. Anom era jaos owe dosa atakam basakamtiikorom bare ajiire, bajurusumaar amsam.

Me, ara owe, turunak owe baemem pak amsam aemapes. Wanam, are era pak beak sos asotames. Are, Allah era owe atetame basakamtam atakam, beak sos asotames. Me, are era owe turunak baemem pak amsam apok ere, are asan akot tamen. Oweam emes baetaa atakam akoretamemas: “Juuri era bo aboemaspu aofasiemas.” Wanam, “Owe, wo taso bwi ambumtas, era wo semoo aoeem.” Emes asimemas. Emesare, era pote atakam baememtam owe aemes pak, ara baetaa atakam, atakamnak aporommas.

Era pote atakam baememtam owe, ataaji era owe aetamemas. “Tare daatakam ji aetakam, Allah tare aBasakamtam Atakam ji bae, atakam tara bakorom apok aemteman.” Emes atakam aesimemas. Era pote atakam baememtam owe ere, pota pak baem, baemekariem asan apok. Era asan pota fiak pak, era owe aemomem. Emesare, owe era pak baem baemekariem asan apok apaye, era pak era owe aemomemas.

Emesare, dara Bajortaer Ipit, Yesus Kristus daTuhan are. Era Armat Ipit amsam owe, ara aemansa tapirmi asan pota pak ambompimes. Me, era owe era pota pak aojamkaitas apaye, are asan potanak aemaptemas. Bonak ere, era owe Yesus Kristus amsam apok aemapes, are asan akot tamen aemapes.

Bonaknak ere, Allah atakam bakoretam pote owe, Allah aowe takan aememes. Emesamare, pote atakam baememtam oweam tare takan emes taka aememtemas. Are pote atakam tiruu aememtamtemas. Me, aatakam ji bae owe ere, danais aemaptemas. Kristus era owe dosa fiak pak asurumtame. Me, era owe, Armat ipit apatimtemas. Era oweam danais fef aemaptemas.