Popular Bible Verses from 1 TIMOTIUS 1

Share

Owe emes atakamnak akoremas: “Kristus Yesus, dosa owe bajortaer, ara tapirmi andae.” Emes atakam aesimemas. Era atakam, ere atakamnak. Owe era atakam eemnak bamesemkoromtas. Dere ere, jokoman anakotnak ipit.

Allah dere dosa anakotnak ipit apore. Erarawa Are soro ajiomen. Emesamare Kristus Yesus jak jiraonak aemen. Era pak, era asep bare, Armat Ipit eemnak ambesemkoromtas owe baporomtam are. Era oweam jiinenak aememaartemas.

Dere owe bafaim akot. Erarawa dere era atakam asakamtammin. Owe jokoman apok jak aemomemtasam, bimak binip akot ajanimomemtasam, eemnak bamesemkorom aemtasam, ere are ajamfaimamtemas.

Allah era jiinenak baememaar raja Ipit. Are jiine bakari apok Ipit. Oweam Armat Ipit bi baemepor asan apok. A taka, ere Allah. Erarawa owe, Armat Ipit eemnak bamesemkoromaartas. Are, “Allah akotnak,” emes bakoromaartas. Are tere baeomaartas. Emesare, ara atakam, ere atakamnak.

Allah aBasakamtam atakam, era basakamtam atakam baoo owe ataetiitame. Are aBasakamtam atakam era atakam baoo oweam, Allah bamesem apok oweam, turu apok oweam, dosa oweam, jaos oweam, ara aemansa tapirmi jak bajamkaiaar oweam, arisare batatii oweam, owe batatii oweam, emes owe ataetiitame. Are aBasakamtam atakam, era tane tamane bajamdamat oweam, era feper oweam, era owe tau aemamtaeremas oweam, era pote atakam bakore oweam, pote ateman batam oweam, era anakot atakam baoo oweam, emes owe ataetiitame.