Popular Bible Verses from 1 KORINTUS 9

Share

Era ja putet bajamampor owe, jiine apok kuus bajamapom akot pak bataet, ja ajamamporemas. Me, are ja faaro baememkorom, jak fiak aemememas. Dare ere, jiine kuus bajamapom akotnak pak bataet, ja putet bajamampor emes tamen are. Emesare, dere era ja bamaretukem asanpu, ja turu ateemin. Denom ban fon atee aetey, dere atee tamen apok.

Denom ban fon dedamo dema aememin. Ere dedamoam, dejakam, fiak baemapom pak. Era pak baem, dere Allah Akot Atakam owe bakoretam, wanam dere era atakam bajamkaikorom apok-ombar pak arare.

Era ju putet bajamampor owe, ja takes ateemas. Me, jipit takakope pak ataetem. Tare emes tamsam. Emesare tanom ja faaroa. Erarawa tare era pak ataettakam emes tamen are.

Denom Kristus bajamkai fiak apok owe takan aememtey, denom bajamkai fiak apok ipit tamen aemememin. Ere ara bajamkai fiak apok owe, bajamkaikorom batatapimtaa pak. Dere owe takes aemememas pak tamen aemememin. Ere, dere wan owe bajortaer pak.