Popular Bible Verses from 1 KORINTUS 10

Share

Tare dosa baem atatapimtaaeman pak, era pak ere, ta taka apok. Asamot owe takes emes taka are. Me, Allah era ataaji aee atakam, aemkoromtem. Armat Ipit, tare dosa baem batatapimtaa pak daytinak batetam apok aemtem. Tare era dosa baem-ombar. Tare dosa baem atatapimtaatan pak, Allah era batatapimtaa pak bawotapem fiak pak atetamteman. Are, tare era dosa baofe asan atetamteman.

Tare ere, amosam, bwiam, andetakam apaye, wan pak aemtakam apaye, ere era pak takes Allah basitimkorom pak jipu aemay.

Wan owe abimak binip ere, “Dere Kristus bajamkai fiak aomaia,” emes atakam aesimemas. Era owe ere, turu baememtas. Are bandaebuames-ombar.

Dare ara pakiin pakiin takes baem, ere karao apok. Me, wan pak baem ere, asan akot pak apok. Dare ara pakiin pakiin takes baem karao apok. Me wan pak baem ere, owe Yesus bajamkai fiak baemapom pak apok.

Owe apa asan akot pak taka baem bas. Me, are asan akot wan owe baemtas.