Popular Bible Verses from 1 KORINTUS 15

Share

Dejoo owe akotnak! Emesare, emes ajakajiremkoromay. Fiaknak aememay. Juiin afaafemar Tuhan karai akotnak aeearay. Me Tuhan aetammakam karai, ere bambi karai apok. Tanom emes apormakam.

Me, Allah Yesus Kristus daTuhan aeme pak apore. Erarawa Armat Ipit, dosa akumimosomtamemaro. Emes apormarom arawa, dare terima kasih atakam Allah akorommarom.

Owe potet tara batutum bas. Turu owe, jaos owe akikimomemtas, me anom owe jaos aoememtemas.

Allah ere, dere asan akot bambi atetamen. Erarawa, dere waa Yesus atakam bakoretam bamirimemom ipit aememo. Are dere era asan akot bambi atetamen, ere bambi pak apok. Dere Allah karai daytinak aeetamaaru. Me wan Yesus atakam bakoretam bamirimemom owe ere, karai koser aeetamaaris. Era daytinak aeetamaaru karai ere, dema apok. Allah takan aemaarin. Ere era asan akot bambi atetamaarin pak are.

Wanam, “Dambir pak! Wore dara bakumimosom fiak pak eteperam? Wore sisi dara bajat fiak pak eteperam?” Alkitab emes atakam aeapoma. Dare asamot owe dosa aemom. Erarawa era dambir pak, asamot owe bajurusum, emes fiak pak aptam. Musa Basakamtam Atakamam, dare dosa owe, emes aporomtammaro.

Baporay! Dere bomonnak atakam tara akorommin: Dare dambir takes baem apok. Me, Tuhan ai damo atetamtetertemaro. Me asepnak fwi bajam jane ajitam, Tuhan, era dambir owe, ametejaoromwasumtumtem. Ere banamek afemeporemas tamen are. Tuhanam ai damo baemapaar atetamtetertemaro.

Jipit taka dosa aemen. Erarawa asamot owe dambir aememas. Wan Ipit taka ere, akot pak aeme. Erarawa asamot owe ajaorwasittemas. Owe takes Adam arurupis. Erarawa owe takes dambir aememas. Emesamare, Allah Kristus bajamkai owe takes, ajaoromwasumtumtem.

Ara ofa aofamestam damo, ofa baemeofames asan apok damo ajaoremtetertemarom. Me dadambir aptam damo, dambir baemeem asan apok damo ajaoremtetertemarom.

Emesare, Kristus atakam aosakamtamkoromtem— Allah ajii owe takes akumimosomkoromto bare ajiire. Era asepnak akarimtiito jii owe, ere dambirnak. Erarawa owe dambir boem apok aemtemas.