Popular Bible Verses from 1 KORINTUS 12

Share

Me Allah Jip, era batetam pak, oweo aememayes, atetamteterem. Ere dare takes asan akot boem pak.

Emesare, tanom takes Kristus adamo. Tare oweo aememayekem Kristus adamo anakot poman pak.

Me dadamo anakot poman pak taka ajirisemto, dadamo anakot poman pak takes takan ajirisememas. Wanam, owe, dadamo anakot poman pak taka asitimtas, dadamo anakot poman pak takes jak akot aemapemas emes tamen are.

Me Allah Jip, Allah bomon atakam baso bakoretam wan owe atetamum. Me Allah Jip takakopeam, Allah aememe atakam, atakam baso bakoretam, wan owe atetamum. Me Allah Jip takaam, Kristus eemnak bamesemkorom bimak binip, wan owe atetamum. Me Allah Jip takaam, damo pota owe baoromtam fiak pak, wan owe atetamum. Are jinim bae fiak pak, wan owe atetamum. Are Allah atakam bakoretam tastu pak, wan owe atetamum. Anom owe era akoremas atakam, bii atakam jipu apaye, Allah Jip atakam jipu apaye, emes baporkorom pak, wan owe atetamum. Are era atetamar kaaowe atakam kupis bakore batetam pak, emes tastu pak wan owe atetamum. Are era kaaowe atakam jow bauumtaer, emes tastu pak wan owe atetamum.

Me emes baemtam pak takes, ere Allah Jip takakope. Are akot aporto oweo aememayes atetamum.

Erarawa, dadamo anakot poman pak bifane bajamfeamem apok aememas. Me, dadamo anakot poman pak takes ajamfaimamemas emes tamen are.

Me Allah Jip batetam pak, ere atat pak kupis are. Me, era pak batetam Allah Jip, ere takakope. Me Tuhan karai baetam pakam, ere atat pak kupis are. Me, era karai baetam Tuhan, ere takakope. Me karai baetam tastu pakam, ere atat pak kupis are. Allaham era tastu pak takes era owe oweo aememayes atetamum. Me Allah, ere takakope.

Allah, Yesus basitim bajarisiap owe bomon, emes owe ataeme: Bonak ere, Yesus atakam bakoretam bamirimemom owe are. Wanam Allah atakam bakoretam owe. Wanam atakam baememtam owe. Wanam jinim bae pak baem oweam, Allah Jip owe damo baoromtam fiak pak atetammar oweam, owe pi bajat oweam, owe bajasosomat oweam, Allah Jip batetam kaaowe atakam kupis bakore oweam, emes owe ataeme.

Asamot Ipitam adamo anakot poman pak taka apok. Adamo anakot poman pak, ere tanane.

Me wan damo anakot poman pak, ere kumiti. Era kumiti pak ere, anakotnak pak.

Asamot ipit adamo takes banamek takapaye, are jane bajie wama tamenem? Me adamo takes janemak takapaye, are pinim bamo wama tamenem? Me, Allah asamot ipit adamo anakot poman pak takes adamo ataapomteteren. Ere aakot apore pak jipu eraren. Asamot ipit, adamo takes bai taka ere, adamo anakot aptam ere apok.