Popular Bible Verses from ROMA 11

Share

Fun ale sa' nane na'ko Uisneno, ma natuin Uisneno ma neu Uisneno kun. So tanaeb Uisneno talan te nabal-bal! Amin.

Tebes Uisneno In athoen, In hinen ma In keon, matani le'uf kun! Sekau es nahin In lasi fekat ka? Sekau es ansu' nit In mepu ka?

Sekau es nahin Usif tunan In nek tenab ka? Ai sekau hen fani afainekat neu In ka?

Onane amsa bi tomas i, fe anmu'i to Israel le Uisneno anbeti sin natuin In halinat knino. Uisneno anbeti sin ka natuin fa sin mo'et alekot, mes natuin Uisneno In nek mamun. Fun kalu Uisneno anbeti sin natuin sin mo'et alekot, halinat nane ka halinat Uisneno fa.

Bub fua mina nane in atlaen bian esle' atoni Yahudi, le anketu nani sin. Ma antapas ki neu tlaen nane in papan, on tol fui, esle' atoni le kan tamaf nonot Yahudi. Ma hi mipeni alekot na'ko bub fua mina nane ini ba'an. Es nane te kais hi miliabom neu hau atlaef nane sin. Leka hi miliabom, mimnau nai, fun hi hau atlaef ki. Ma hau atlaef ka namonib fa hau ba'at, so mak hau ba'at es namonib hau atlaef.