Popular Bible Verses from KELUARAN 7

Share

UISNENO nakua a'an neu Nai Musa nak, “Of Au mo'e ko amfani on Uisneno anbi kesel in matan, ma ho biaf Nai Harun of namolok neune on ho mafefa knino.

Mes of Au umanub kesel in nekan. In of ka nen ko fa, maski nak Au usanut snama namfau anbi Mesir. Es nane te of Au kas Mesir nok kasat le mafena, nalali te of Au eki to Israel ok-oke, Au to, anpoi na'ko pah nane.

Es nane te atoni Mesir of sin nahin nak Au le i UISNENO kau, anbi tabu Au kas sin ma Au eki Israel anpoi na'ko sin pah.”

Natuin lasi nane kesel no'en in atoni ahinet sin ma mnane sin, oke te sin anmo'e onane amsa nok sin hine ma sin ela. Sin anpolin sin tias neu nain ma sin tias-tias nane anfani kauna. Mes Nai Harun in tias an olo nan sin tias sin.

Es nane te UISNENO nakua a'an nak on i, ‘Na'ko sa' le of In anmo'e, ho of muhin mak Au le i UISNENO kau. Of au tepo oe anbi noe eki tias le i, ma in oe of nabaina anfani na'.

“Kalu kesel antoti ki he mo'e lasi amkakat anfani on taka', amlenu Nai Harun he naiti in tias ma anpolin neu nain anbi kesel in matan. Tias nane of nabaina anfani kauna.” Es nane te Nai Musa ma Nai Harun sin nao ma anhake anbi kesel in matan ma sin anmo'e sa' le Uisneno naplenat nalali neu sin. Nai Harun anpolin in tias neu nain anbi kesel in matan ma ale in ameput sin matan, oke te tias nane nabaina anfani kauna.