Popular Bible Verses from KELUARAN 3

Share

Uisneno nakua a'an nak, “AU UISNENO KAU. Le i es mes ho mutonan to Israel. In le antek AU UISNENO KAU, es anlenu nalali kau neu ki.

Uisneno natae nak, “Of Au tuntaku ko. Ma leka uf nane ho meki mupoitan sin na'ko Mesir, hi of miluli ma mibes neu Kau anbi tubu le i. Nane anfani taka' nak Au es alelu ko.”

Oke te Uisneno nakua a'an nak, “Kaisa amhaumak aum. Amkasu ho pen haef, natuin hom hake anbi bale le' in knino kun.

Oke te UISNENO nakua a'an nak, “Au it ulali Au to sin nukat ma sin nu'ut anbi pah Mesir, ma Au nen ulali sin sakoit ma antoti fetin na'ko atoni-atoni le an aten sin. Namneo, Au uhin ulali sin nu'ut ok-oke. Es nane te Au sanu he ufetin sin na'ko atoni Mesir ma eki sin anpoi na'ko pah nane he nao neu pah mese le menuan kun. In afu nane nathoe ma maafa, ma leku le i atoni Kanaan, atoni Het, Amori, Feris, Hewi ma Yebus es natua pah nane.

Anbi nane ahake UISNENO naklil'on neu in anbi ai pina le anpoi na'ko kisan in nanan. Nai Musa in nit kisan nane anpin, mes kan putu fa.

Tabu le i Au lenu ko he hom nao ma amhake ambi Kesel Mesir in matan he nati' ho mupoitan Au to na'ko pah le nane.”