Popular Bible Verses from KELUARAN 20

Share

“Au le i hi UISNENO le eki ki ampoi na'ko Mesir bale anaten ki anbine. Kaisa miusi uisneno teta. So hi miluli mibes neu Kau.

Kaisa anmo'e fatu le'u ai hau le'u neu ko le namas on sa' amsa anbi neno tunan, anbi pah pinan ai anbi oe in nanan anbi pah pinan in nupun. Kaisa mibes neu fatu le'u ma hau le'u le nane, natuin Au le i hi UISNENO, ma Au ka lomi fa he minesa Kau nok sa'-sa' amsa. Atoni-atoni le sin nek nanan Kau of Au kas sin talantia sin sufan batan tenu ma batan ha.

Mumtausan ho ama ma ho aina, he nati' mupeni aomina ma ua mnanu anbi pah le Au fe ani neu ki.

Minaeba Neno Snasat ma miupab neno nane anfani neno knino.

Kaisa amtek Au kanak lafu-lafu, natuin Au, hi UISNENO of Au kas sin sekau le anpake ansan Au kanak.

Au fe neu ki neno ne he hi mepu, mes anbi neno hitu nane neno snanat le mabeti neu Kau. Anbi neno le nane kais atoni mese amsa anmepu, leko hi, leko hi anah sin, hi ate-ate sin, hi mu'it sin, ai atoni anao amnemat le natua anbi hi pah.

Kaisa amsinmakan atoni bian in-ini: in ume, in fenai, in ate-ate sin, in mu'it sin, in bikase luke mnanu sin, ai sa' le in-ini.”

Kaisa matutan lasi poi neu atoni bian.

Kaisa mapaisa.

Kaisa mamaten.

Kaisa mibak.