Popular Bible Verses from ZEPANYA 3

Share

Diondihon TUHAN Debatamunu na gogo i do hamu. Hara ni gogo ni kuasoNia, monang hamu. Marmoga-moga TUHAN jana marjop ni roha hara ni hamu, di bagasan holong ni rohaNa dilehen Ia di hamu ngolu na imbaru. Hara ni hamu marende ma Ia jana marjop ni roha hara ni hamu

Ro do i hatihana, jana ro ne noma i, toguonKu ma mulak halakmu na marserak i. BaenonKu tarbonggal hamu di sandok portibi, jana Hupasuang hasonangonmu mangulahi.” Madung didok TUHAN songon i.

Angke madung mantak TUHAN manguhumi hamu; ma pola dipaorot Ia sude musumunu. TUHAN raja ni Israel maringanan di tonga-tongamunu; nada mabiar be ho maradopkon hasusaan.

Ro do i hatihana ropukkononKu na mamisat hamu, jana halak na tengka paluaonKu; sude halak buangan mulak toguonKu. Muba habilean ni halahi gabe hasangapan; sanga di dia, disandok portibi, marmulia ma halahi jana dipuji.