Popular Bible Verses from ROM 6

Share

Angke hamatean do upa ni dosa; tapi silehen-lehen ni Debata i ma ngolu na manongtong di bagasan Kristus Jesus, Tuhanta i.

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

Di pandidion i, madung ditanom hita rap dohot Ia, di bagasan hamatean do hita disi rap dohot Ia, anso songon Kristus na mulak mangolu i sian hamatean dibaen Ama na sangap i, laing songon i muse ma hita tarbaen mandalani ngolu na imbaru.

Sada muse, ulang be pasahat hamu goar-goaran ni pamatangmunu tu kuaso ni dosa gabe parkokas laho mambaen angka na jahat. Tapi tu Debata ma pasahat hamu dirimunu songon halak na dung nipapinda sian hamatean tu hangoluan. Jana pasahat hamu ma sude goar-goaran ni pamatangmunu i tu Debata gabe parkokas laho mambaen angka na tigor.

Dibaen madung taboto, madung diparsilangkon hajolmaonta na honok i, anso mago gogo ni dosa na disi jana ulang diparhatoban dosa i be hita.

Hamu pe angkon etongonmunu do dirimunu na dung mate maradopkon dosa, jana mangolu hamu di Debata markite-hite Kristus Jesus.

Antong anggo songon i, aha ma na tardok hita? Angkon tadatdati ma he mambaen dosa anso mur martamba asi ni roha i? Tontu nada songon i! Madung mate hita taringot tu dosa i, jadi bia ma hita bisa dope mangolu di bagasanna?

Diboto hamu dehe muda dipasahat hamu dirimunu tu sada-sada halak laho mangkarejohon hagiotnia, na gabe hatoban ni halak na nioloanmunu i do hamu – sanga hatoban ni dosa na maroban hamu tu hamatean sanga hatoban na mangoloi Debata na maroban hamu tu hatigoran?

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu. Madung dipalua hamu sian dosa jana gabe hatoban ni hatigoran.