Popular Bible Verses from ROM 5

Share

Hape dipatidahon Debata do holong ni rohaNia mida hita, di na mate i Kristus humopkop hita dompak pardosa dope hita.

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.

Tapi nada hum i sajo, di bagasan pardangolan pe laing marmoga-moga ma hita, angke madung taboto gabe mur sobar do halak dibaen pardangolan, jana hasobaron parohon tahan uji, jana tahan uji parohon arop ni roha.

Hara ni i, hita na nipatigor markite-hite haporsayaan, mangolu do hita di bagasan hasonangan dohot Debata markite-hite Tuhanta Jesus Kristus. Markite haporsayaan tuSia muse do hita dapotan dalan masuk tu asi ni roha ni Debata. Di bagasan asi ni roha i do hita mangolu, jana marmoga-moga di bagasan arop ni roha tu hamuliaan ni Debata!

Dibaen di hatiha hagaleonta, madung mate Kristus humopkop hita angka na durako, di hatiha na dung ditontuhon ni Debata.

Tarlumobi, hara ni na dung dipatigor hita saonnari di bagasan mudarNia, pasti do hita dipalua sian rimas ni Debata.

Jana hara ni sada halak na so mangoloi gabe bahat halak mardosa; songon i muse ma, markite-hite pangoloion ni sada halak, bahat halak gabe tigor.

Tapi nada hum i sajo. Marmoga-moga muse ma hita di bagasan Debata, markite-hite Tuhanta Jesus Kristus, harana markite-hite Ia madung hita jagit saonnari pardamean i.