Popular Bible Verses from HALUMBAAN 14

Share

Dung i hubege ma sada sora sian banua ginjang mandok, “Suratkon ma on: Martua do sanga ise halak na mate di bagasan Tuhan mamungka sian hatiha on!” “Na tutu ma i!” ning Tondi i. “Maradian ma halahi sian karejo na dokdok jana daion ni halahi ma suha ni pangoloion ni halahi na sai tongtong mangihut di halahi.”

Na porlu dison i ma hasobaran ni angka halak na badia, jana na mangihutkon parenta ni Debata dohot marhaporsayaan tu Jesus.

Marsurak ma surusuruan i gogo sajo, “Habiari ma Debata jana puji ma hagodanganNia! Angke madung dapot hatihana dabuhonon ni Debata uhuman tu jolma. Somba hamu ma na manjadihon langit, tano, laut dohot angka mual ni aek i!”

Ro ma surusuruan na patoluhon ihut tu surusuruan na dua i marsurak ma ia gogo, ning ia ma, “Sanga ise na manyomba binatang i dohot patungna i dohot halak na maruli tanda ni binatang i di bohina dohot di tanganna, painumon ma tu halahi anggur na badia, i ma anggur haririmasNia na niusehonNia tu ingananna, na so niurahan saotik pe! Hona parkancitan ma halahi di bagasan api dohot barerang di jolo ni angka surusuruan ni Debata dohot di jolo ni Anak Ni Biri-biri i. Martimbual ma timus ni api parkancitan ni angka jolma i salolot-lolotna. Nada marnamantak be hona parkancitan halahi arian dohot borngin, i ma angka halak na manyomba binatang i dohot patungna i, dohot sasudena halak na maruli tanda goar ni binatang i.”

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

Dung i huida ma sada surusuruan na asing habang gincat di langit. Dioban surusuruan i do barita taringot tu Jamita Na Denggan na manongtong i sipalaluon tu jolma na di tano on; i ma tu sude bangso, marga, bahasa dohot negara.

Ihut ma surusuruan na paduahon tu surusuruan na parjolo i jana marsurak ma ia, “Madung madabu ia! Ma madabu kota Babel na godang i! Madung gabe mabuk sude bangso dibaen ia rap dohot aek ni anggur – i ma anggur na ro sian hagiotnia na jorngang i!”