Popular Bible Verses from HALUMBAAN 13

Share

Anggo dison porlu ma adong bisuk. Sanga ise na marbisuk, taretong ia ma arti ni bilangan ni binatang i, harana goar ni sada jolma do bilangan i. Anggo bilanganna i 666 do.

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

Dipaksa binatang i ma sudena halak, na menek sanga na magodang, na mora sanga na pogos, hatoban sanga na mardeka anso manjagit tanda di tangan siamun ni halahi dohot di bohi ni halahi. Sahalak pe nada tarbaen manobusi sanga manggadis bagi aha anggo nada adong disia tanda i, i ma goar ni binatang i sandiri sanga nomor ni goarnia.

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”

Dung i huida ma sada binatang ruar sian laut. Adong do sampulu tandukna jana pitu uluna. Adong muse ma tuku sada be di uluna i jana tarsurat ma di uluna i sude sada goar pangincahion.

Dipatola muse do ia mangalo tu halak na badia bope manaluhon halahi. Jana dipasahat do tusia mangkuasoi sude marga, negara, bahasa dohot bangso.

Dipatola do ia mambaen angka hahomangan; jana dipaoto-oto ia do sude jolma na mangolu di tano on hara ni angka hahomangan na nibaennia i di jolo ni binatang na parjolo i. Jana disuru ia ma halahi sudena pajongjong sada patung laho mamparsangapi binatang na mabugang dibaen podang i, hape laing mangolu. Dipatola do binatang i mangombuskon hosa hangoluan tu bagasan patung i, anso gabe malo mangkobari patung i dohot mamunu sudena halak na so ra marsomba tusia.

Tarsongon babiat do rupa ni binatang i, patna songon pat ni gompul jana babana i songon baba ni singa. Dung i dilehen naga na huida parjolo i ma tu binatang i gogona sandiri, dohot habangsa dohot kuasonia na godang i.

Dipatola do binatang i pajojorkon angka ginjang ni rohana dohot pangincahion. Dipatola do ia mamarenta opat pulu dua bulan honokna.

Sada sian uluna na pitu i songon na jungada do banga bugangna idaon, tapi madung malum bugangna i. Diihutkon portibi on ma sude binatang i mardongan pangkilalaan na homang-komang.

Dung i huida ma sada binatang ro sian darat. Dua tandukna songon tanduk ni Anak Ni Biri-biri. Sorana songon sora ni naga. Dipake ia do kuaso na godang sian binatang na parjolo i. Dipaksa ia ma portibi on dohot sudena na maringanan disi anso marsomba tu binatang na parjolo i, i ma na dung malum i bugangna na banga i.