Popular Bible Verses from MATEUS 21

Share

Sanga aha pe pangidoanmunu di bagasan tangiangmunu, jagitonmunu do i, asal ma porsaya hamu.”

“Satutuna, Hudok ma tu hamu, anggo porsaya do hamu jana inda adong ganggu ni roha, tarbaen hamu do songon na Hubaen i tu bona ni gala-gala i. Inda hum i sajo, salangkan tu dolok an pe tardokkon hamu do, ‘Morot ma ho, ambung ma ho tu laut.’ Tulus do i!

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

Didok Ia ma tu halahi, “Adong do tarsurat songon on, ‘Angkon bagas partangiangan do goaron BagasKon.’ Hape gabe bagas ni panyamunan do dibaen hamu bagas on.”

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

“Hara ni i Hudok ma tu hamu: Buaton do Harajaan Ni Debata sian hamu jana nilehen ma i tu sada bangso na marbatuhon parbatu ni Harajaan i. [