Popular Bible Verses from HARURUAR 7

Share

Didokkon Debata ma tu si Musa, “BaenonKu ma ho songon Debata di jolo ni raja i, jana angkangmu si Harun songon panurirangmu mandok hata tusia.

Tapi mur patangkangonKu do roha ni raja i. Nada tangihononnia hatamu, hara ni i bahat ma Hupamasa hahomangan di Mesir. Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

Dung i botoon ni halak Mesir i ma bahaso Au do TUHAN, di hatiha Huuhumi halahi jana Huoban Israel haruar sian luat ni halahi.”

Hara ni i dipiohon raja i ma angka halakna parelmu dohot parsibalik mata, gabe dibaen halahi muse ma songon i mangihutkon elmu ni halahi. Diambungkon halahi ma tungkot ni halahi tu tano i, muba ma tungkot i gabe ulok. Hape dibondut tungkot ni si Harun do tungkot ni halahi i.

Saonnari, Na Marmulia i TUHAN mandok, botoon ni raja i ma sian na giot baenonNia, sanga ise TUHAN i. Ligi da, lipatonku ma aek ni batang aek on dohot tungkot on, jana muba ma aek i gabe mudar.

“Muda dipangido Raja Parao baenonmunu hahomangan songon bukti, suru ma dibuat si Harun tungkotnia jana diambungkon ia tu tano di jolo ni raja i. Muba ma tungkot i gabe ulok.” Dung i kehe ma si Musa dohot si Harun manopot raja i jana dibaen halahi ma sude na niparentahon ni Debata. Didanggurkon si Harun ma tungkot i tu tano di jolo ni raja i dohot angka parpangkatna jana muba ma tungkot i gabe ulok.