Popular Bible Verses from HARURUAR 6

Share

Jadi baen ma boa-boa tu bangso Israel, bahaso madung Hudok tu halahi: ‘Au do TUHAN; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

Gabe bangsongKu ma hamu baenonKu jana Au gabe Debatamunu. Anso diboto hamu, Au do TUHAN Debatamunu di na Hupalua hamu sian parhatobanon di Mesir.

ObanonKu ma hamu tu luat na dung Hujanjihon hian di bagasan sumpa tu si Abraham, si Ishak dohot si Jakob; lehenonKu ma tano i gabe nampunamunu sandiri, Au do TUHAN.’ ” Sude Tona Ni TUHAN i dipabolkas si Musa do tu bangso Israel, tapi nada ditangihon halahi be si Musa dibaen madung mandele halahi patunda ni hancitna parhatobanan i.

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”