Popular Bible Verses from PANGARATAION 11

Share

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

Sai paingot-ingot hamu ma angka parentaNa i jana haholongi hamu. Tambatkon ma i di tanganmunu jana lilitkon di bohimu baen parningotan.

Antong muda songon i, sai oloi hamu ma angka parenta na hulehen tu hamu di ari sadari on, haholongi hamu ma TUHAN Debatamunu i jana oloi hamu ma Ia sian sandok rohamunu. Muda dibaen hamu songon i, gabe paroon ni TUHAN ma udan tu tanomunu i di hatihana, dung sidung hamu manyabi dohot di na mamungka hamu manyuan. Gabe tuk ma di hamu gandum, anggur dohot miak zetun

“Haholongi hamu ma TUHAN Debatamunu jana setia ma hamu mangoloi sude parentaNia.

Sadari on hulehen di hamu sada ombas laho mamili pasupasu sanga bura. Dipasupasu ma hamu muda dioloi hamu angka parenta ni TUHAN Debatamunu na hulehen di hamu di ari sadari on, tapi hona bura ma hamu, muda nada dioloi hamu angka parenta i, jana marbalik hamu marsomba tu angka debata na asing na so nisombamunu di hatiha na salpu.

Suratkon ma i di tiang ni pintu ni bagasmu dohot di pintu ni horbanganmunu. Jadi gabe siginjang umur ma hamu dohot angka dakdanakmunu di tano na dung nijanjihon ni TUHAN Debatamunu tu ompumunu. Salolot adong tano on laing disi ma hamu maringanan.

Ulang patola hamu dirimunu dipadao sian TUHAN laho marsomba dohot mangoloi tu angka debata na asing.