Popular Bible Verses from PANGARATAION 10

Share

“Saonnari hamu ale angka dongan sabangso, parate-atehon hamu ma na nituntut ni TUHAN Debatamunu sian hamu: Maribadat tu TUHAN ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia, jana oloi hamu ma sude aturanNia, na hulehen tu hamu di ari sadari on na laho tu hadenggananmunu sandiri.

Di ginjang ni sude debata do TUHAN Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.

Jadi mamungka sian saonnari, sai marpangoloion ma hamu tu TUHAN jana ulang be marjogal ni roha hamu.

Dibela Ia do hak ni na tinggal menek dohot na mabalu, anso dibaen tu halahi uhum na tigor; dihaholongi Ia do halak na asing na tinggal rap dohot hita jana dilehen Ia pakean dohot sipanganon di halahi.

Puji ma Ia – Ia do Debatamunu. Diida matamunu sandiri do angka pambaenan na godang jana hahomangan na nibaenNia hara ni hamu.

Habiari hamu ma TUHAN Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

TUHAN Debatamunu do nampuna langit na partimbo, tano on pe Ia do nampunasa, maradu sude na adong di ginjangna.

Jadi hamu pe patut do patuduhononmunu holong ni roha tu angka halak na asing i, angke hamu pe najolo halak na asing do di Mesir.