Popular Bible Verses from AMSAL 8

Share

Soe nyang meuteumé ulôn, ureuëng nyan jiteumé udeb, keu ureuëng nyan TUHAN geugalak.

teuhoreumat TUHAN nyang makna jih teubanci keu nyang jeuhet; dan ulôn hana galak keusombongan dan keu angkohan. Ulôn banci ubak tingkah laku nyang jeuhet dan tutoe haba tipée muslihat.

Peuyuem kheueh naseuhat ulôn leubeh nibak pirak nyang aseuli, dan leubeh peu-peunteng kheueh peungeutahuan leubeh nibak méuh aseuli. Ulôn kheueh hikeumat, leubeh meuyuem nibak beulian; hana hase teubandeng deungon peue mantong nyang gata lakée.