Popular Bible Verses from AMSAL 17

Share

Sidroe sahabat sabe seutia keu rakan, teuma sidroe syedara meusajan jitanggong keusosahan.

Até nyang geumbira na kheueh mangat seuhat tuboh; teuma até nyang sabe meurana na kheueh keu teupeu patah seumangat.

Meunyoe na meuheut jigalak lé gob, peumeuáh kheueh salah nyang jipeubuet lé gob. teupeubeudôh-beudôh keusalahan nyan teupeuputôh meusahabat.

Ureuëng nyang tajam pikeran jih, hana le jipeugah haba. Ureuëng nyang bijaksana sabe lam teunang.

Sidroe ureuëng bangai pih jipike carông dan bijaksana meunyoe jihnyan jipeuseungab droe sira jitôb babah hana jitem peugah haba.

Leubeh gét saboh suéb bu teuma na keuteuntraman, nibak peunajoh nyang mangat-mangat teuma meudakwa hana reuda.

Teupeu phon meudakwa na kheueh lagée ureuëng peuhah babah ié; sabab nyan surôt kheueh sigohlom meudakwa nyan teupeuphon.

TUHAN geubanci keu ureuëng nyang peubeutôi ureuëng doraka, dan nyang peusalah ureuëng nyang hana meusalah.