Popular Bible Verses from MARKUS 9

Share

“Peue gata peugah? meunyoe Bapak hase?” jaweueb Isa. “Peue mantong hase, asai ureuëng peucaya!”

Laju ayah aneuëk nyan jidumpék, “Tuhan, ulôn peucaya, teuma iman lôn kureueng. Tulông kheueh ulôn mangat ulôn leubeh peucaya lom!”

Óh lheueh nyan Isa kana di rumoh, murit-murit Gobnyan jijak laju ubak Gobnyan sira jipeugah, “Peue sabab kamoe hana hase kamoe use roh jeuet nyan?” Geujaweueb lé Isa, “Roh jeuhet nyang lagée nyan hana hase teu-use ngon cara peue mantong meunyoe kon ngon doá.”

Sira nyan gét, teuma meunyoe ka jeuet keutabeue, peu kheueh mungken teupeu masen lom? Teuma, bah kheueh gata jeuet lagée sira – udeb kheueh meusajan-sajan deungon rukon.”

“Ureuëng nyang jiteurimong sidroe aneuëk miet lagée nyoe sabab Ulôn, saban cit ureuëng nyan ka jiteurimong Ulôn, ureuëng nyan bukon mantong ka jiteurimong Ulôn, teuma gobnyan nyang ka utus Ulôn.”

Ingat kheueh! Ureuëng nyang jibri ié jieb keu gata sabab gata murit Raja Nyang Peuseulamat, ureuëng nyan pasti jiteurimong upah jih.”

“Soe nyang jeuet keusab sidroe nibak ureuëng-ureuëng nyang ubit nyoe hana jipeucaya le ubak ulôn, leubeh gét meunyoe batée geumiléng teu-ikat bak takue jih, dan teuböh lam laôt.

Meunyoe mata gata nyang jeuet keusabab gata meudesya, cungke kheueh mata nyan! Leubeh gét gata tamong lam Donya Barô Allah deungon hana mata siblaih, nibak gata udeb ngon dua blaih mata teuma teutiek lam apui nuraka.