Popular Bible Verses from MARKUS 10

Share

Sabab, Aneuëk Manusia pih hana teuka keuteulayani. Gobnyan teuka keu geujak layani dan keugeujak jok nyawöng Gobnyan mangat teupeubeubaih dum ureuëng ramé.”

Isa geungieng ateueh awaknyan dan laju geujaweueb lagée nyoe, “Bak manusia nyang lagée nyan mustahe, hana mustahe bak Po teu Allah; mandum mungken meunyoe bak Allah.”

“Jak kheueh,” kheun Isa, “sabab gata peucaya keu Ulôn, gata puléh.” Bak watéenyan cit teuma ureuëng nyan hase jimeungieng, dan laju jiseutôt Isa jak.

Nyang kheueh sabab jih, peue nyang ka geupeu saboh lé Po teu Allah, nyan hana jeuet jipeucre lé manusia!”

Isa geungieng ateueh ureuëng nyan ngon gaséh sayang laju geupeugah, “Tinggai saboh teuk nyang gata peureulée. Jak peubloe laju mandum atra milék gata; gatabri kheueh péng nyan keu ureuëng gasien, dan teuma meuteumé hareuta lam syeuruga. Óh ka lheueh nyan gata jak kheueh taseutôt Ulôn.”

“Peue nyang gata lakée jeuet Lôn peubuet ateueh gata?” Geutanyong lé Isa bak ureuëng nyan. Ureuëng buta nyan jijaweueb, “Pak Gurée, ulôn keuneuk keumalon.”

Teuma gata hana jeuet lagéenyan! Nyang sikeubiet jih, ureuëng nyang keuneuk rayeuk lamkawan jih keudroe, ureuëng nyan bah kheueh jeuet keupeulayan gata.

Ingat nyoe! Soe nyang hana meuhadab ubak Po teu Allah lagée sidroe aneuëk miet, ureuëng nyan hana teuma jeuet keu anggota umat Allah.”

Teuma ramé ureuëng nyang bak saát nyoe nyang phon teuma jeuet keu nyang dudoe dan ramé nyang saát nyoe nyang akhé teuma jeuet keu nyang phon.”

“Teuma bak awaiphon, watée Allah geucebta manusia, Allah geupeugah lagée nyoe, ‘Allah geucebta agam ngon inong. Nyang kheueh sabab jih ureuëng agam jitinggai ma ngon yah jih dan laju udeb meusajan ngon peurumoh jih, teuma mandua nyan ka jeuet keusaboh, teuma, awaknyan kon le dua droe, ka jeuet keu sidroe.’