Popular Bible Verses from KITAB NABI YESAYA 40

Share

Gobnyan nyang peuteuga ureuëng nyang hék, geubri seumangat keu ureuëng nyang hana meudaya.

Ureuëng-ureuëng muda ka jeuet keu hék dan leusu aneuëk-aneuëk remaja reubah meugantoh. Teuma ureuëng nyang meuharab ubak TUHAN mantong, ureuëng nyan teuma meuteumé teunaga barô. Awaknyan lagée cicém siwah nyang jipo manyang deungon teunaga sayeub jih. Awaknyan jiplueng dan hana meunyuem hék, awaknyan jijak dan hana jeuet keu leusu.

Ék kheueh mungken gata hana tateupeue dan hana tadeungoe? TUHAN kheueh Po teu Allah nyang keukai, nyang cebta bansaboh bumoe. Gobnyan hántom na geurasa hék atawa leumoh; pikeran Gobnyan hana ék soe uko.

Na su nyang jimeuhôi, “Peusiab kheueh rot di padang pasi keu TUHAN. Peuteupat kheueh jalan raya di padang beulantara keu Po teu Allah geutanyoe!

Neuleueng ka jeuet keu tho dan bungöng ka jeuet keu mala, teuma sabda Po teu Allah geutanyoe keukai siumu masa.”

Dan keuagongan TUHAN teuma teupeugah; banmandum umat manusia jikalon. Keubit, TUHAN keudroe ka geumeujanji!”

Tieb-tieb pantôn harôh kheueh teutôb, gunong dan bukét teupeusabe rata. Tanoh meubukét jeuet keurata, dan nyang meuwet-wet teupeu licen.

Lagée ureuëng meurabe nyang peulara kawan beulatang Geuh; Gobnyan keudroe nyang peusapat awaknyan. Aneuëk-aneuëk bubiri geutiengkue teuma, deungon leumoh leumbot Gobnyan geu peutatéeh nang-nang beulatang Geuh.

Pandang kheueh u langét, dan peurati kheueh! Soe nyang cebta bintang-bintang nyan? Gobnyan nyang atoe awaknyan lagée pasokan, Gobnyan geuteupeue padubna jeumeulah awaknyan banmandum, dan geutawök maséng-maséng deungon nan geuh nyan. Hana meusaboh pi nyang gadôh, sabab raya that kuasa TUHAN!

Nyang cebta nyan na geuduek meutahta di ateueh bumoe nyang bulat, peunduduek jih leumah ubit that lagée daruet. Gobnyan geuleueng langét lagée geuleueng ija, dan geupasang nyan lagée ureuëng peudong khimah keu teumpat tinggai.

Teunang kheueh até hai ureuëng Yerusalem, tapeugah kheueh laju bahwa masa jipeujeuet keu namiet manusia ka trok bak akhé. Keusalahan awaknyan ka Ulôn peu amphon, banmandum desya awaknyan ka Ulôn huköm sampoe dua goe lipat.”

Na su nyang teupeugah, “Jak peugah kheueh!” Laju ulôn tanyong, “Peue nyang harôh ulôn peugah?” “Tapeugah kheueh bahwa manusia nyan lagée naleueng, lagée bungöng nyang cit siat sagai keu indahan jih. Naleueng ka jeuet keu tho dan bungöng pih ka jeuet keu mala, meunyoe TUHAN geupeuyueb angén nyang seu eum. Keubit, bansa nyan lagée naleueng.

Ngieng, TUHAN Allah teuka deungon kuasa keu meutindak deungon peukasa. Ji-iréng lé ureuëng-ureuëng nyang ka geupeubeubaih lé Gobnyan.

Meunoe kheueh feureuman Allah, “Hibur kheueh, hibur kheueh bansa Ulôn!

Soe nyang ék ukoe laôt raya deungon sineupa jaroe jih, dan nyang ukoe angkasa deungon jeungkai jih? Soe nyang sukat tanoh bumoe deungon sunukat atawa nyang timang gunong dan bukét deungon ceng? Soe nyang pimpén TUHAN, atawa nyang peurunoe Gobnyan sibagoe peunaseuhat? Ubak soe TUHAN geuteumanyong mangat meuteumé peungeutahuan dan peungeurtian? Soe nyang bri peutunyok ubak Gobnyan keu meutindak deungon teupat?