Popular Bible Verses from PEUNGKHOTBAH 3

Share

Peue mantong nyang na di ateueh donya nyoe ka geupeuteuntée lé Po teu Allah.

Po teu Allah nyang peuteuntée keu peulahé dan Gobnyan teuma nyang peuteuntée keu peumaté, watée keu seumula dan watée keu teubot, watée keu poh maté dan watée keu peupuléh, watée keu teurombak dan watée keu teupeudong.

Allah teuma nyang peuteuntée keu mo meuba-e dan watée keu teukém-kém, watée keu meuratok dan watée keu meulikak, watée nyang jeuet meuagam dan watée nyang han jeuet keu meuagam, watée keu meupaluek dan watée keu peuteun droe.

watée keu teupriék dan watée keu teucöb, watée keu peuseungab droe dan watée keu peugah haba. Allah cit teuma nyang peuteuntée watée keu geunaséh dan watée keu teubanci, watée keu jakmuprang dan watée keu meudamé.

Po teu Allah teuma nyang peuteuntée watée keu meuteumé dan watée keu geumadôh, watée keu teumabong dan watée keu peuhabéh

Ulôn lônteupeue bahwa banmandum meuneubuet Allah teuma teutab na siumu masa. Manusia hana bisa jitamah atawa jipeukureueng bah meubacutpih. Dan Po teu Allah geupeubuet nyang lagéenyan mangat geutanyoe ta takot ubak Gobnyan.

Ulôn pike, Po teu Allah teuma geupeusidang ureuëng nyang jipeubuet nyang jroh meunan cit deungon nyang jeuhet, sabab tieb-tieb hai dan tieb-tieb tindakan teuma teujadi nibak watée nyang ka geupeuteuntée lé Po teu Allah.