Popular Bible Verses from 1 TAWARIKH 29

Share

Droeneueh keubit rayeuk dan meukuasa, Droeneueh mulia, jaya dan agong. Peue mantong na di langét dan nyang na di ateueh bumoe na kheueh atra Droeneueh. Droeneueh raja nyang agong, nyang mat kuasa ateueh peue-peue nyang na.

Mandum keukayaan dan keumakmuran asai jih nibak Droeneueh; peue-peue mantong nyang na Droeneueh kuasa deungon teunaga dan keudaulatan Droeneueh; Droeneueh meukuasa hase neupeujeuet so mantong ureuëng jeuet keu ureuëng rayeuk dan teuga.

Ulôn ngon rakyat ulôn nyang sikeubit jih hana meuhase kamoe jok sapeue keu Droeneueh, sabab peue mantong nyoe na kheueh atra Droeneueh dan peue nyang kamoe bri nyoe na kheueh atra Droeneueh cit teuma.

Jinoenyoe, Ya Allah kamoe, kamoe peugah syukoe ubak Droeneueh, dan kamoe pujo nan Droeneueh nyang agong.

Dikeue rakyatba nyan Nabi Daud laju geupujo TUHAN. Gobnyan geupeugah, “Ya TUHAN Po teu Allah nyang geuseumah lé Nabi Yakub indatu kamoe, teupujo kheueh TUHAN siumu masa!