Popular Bible Verses from Taetɔ̌ 1

Share

U je u ji Nyesoa, kɛɛ uu de nu kmɔ̌ nɛ̀ tee ɛ ɛ̈ moo u se Ɔ ji. Jejlae kmɔ̌ klee seǒ nyu tùtuɛ kɔn nì neě u mǒ plě klee u slě wɔ̀ bu nu kàan dɛ wùɛ.

Dɛ wùɛ snǎě le mɔ̀ keǒ nyopòà mɔ̀ ü snǎě uu chɛ̀ mɔ̀le, kɛɛ dɛ wùɛ nɛ̀ slě mɔ̀le snǎ keǒ nyopòà mɔ̀ ü kmɔ̌ sòan neěe ja klee ü see Nyesoaa win kàan tè po. Uu dlǒ le sìɛnsiɛn klee tè le jbojbɛɛ chɛ̀ i kɔn kmɔ̌ sòan.

Bɔ blěǒ Nyesoaa win mɔ̀ kwa kpankpa ïà u tee ämoo bä poo kàan tè ɛ̈ di ɛɛ numa ɔ miě ɛ wɔ̀ keǒ bɔ tee nyopò tùu mǒ slɛɛ̌ dɛ ɛ̈ pe uu kbě ja le klee ɔ mǐ nyopòǒ wɛ̀nʼɛ winʼǒ je kaen wan po.

Ke ɛ toon jleě mǒ bo Tentǎn Jǔu wǎnʼa je si nyu Nyesoaa konkwa neě ɔɔ kwete mǒ, bo kɔɔ̌ dɛ bɛɛ̌ neǒ ɔ jleě mǒ. Bɔɔ̌ jɛɛě ɔɔ chɛ̀ le klee bɔɔ̌ kwɛn gbògblɛ klee bɔɔ̌ nɛ̌ nmɔ ɛɛ̌ ni ɔ klee bɔɔ̌ moo slɛ̌ mɔ̀ ne nyu plě bɔɔ̌ kwɛn wlěe ngmnano. Kɛɛ Tentǎn Jǔu wǎnʼa je si nyu kɔn bɔ kme nyopòǒ jebo ü miě ɔɔ tà diba klee bɔ noɛɛ kàan dɛ mǒ klee bɔ kɔn tɔ̀n klee bɔ siǐnʼǒ jebo klee bɔ tù ɔɔ chɛ̀ ngmà je plě bɔ jiǒ ɔɔ chɛ̀ɛ wlò mɔ̀ kwa bleblɛ̌.

Bi beěè wlòmo ɛ̈ moo Tentǎn Jǔu wǎnʼa bòlibopoi bɔɔ̌ kwɛn tè jɛɛa keǒ ɔɔ chɛ̀ jleě mǒ klee bɔ kɔn nynɔɔ do sosǒ plě ɔɔ jlǔ bu moo Tentǎn Jǔu tè kàan tè po nyo, uǔ kwɛn kmɔ̌ taeǒ moo nyu bɔ seǒ ɔɔ chɛ̀ɛ wlò mɔ̀ kwa bleblɛ̌ ji klee seǒ nyu tùtuɛ kɔn.