Popular Bible Verses from 2 Timɛtě 4

Share

Ě wɔ̀n kàan wònwɔn keǒ boǒ gbɛ̀tɛɛ tuposàà le ɛ̈ kwɛɛǒo Tentǎn Jǔ jleě mǒ bo wòje keà kàan plùplu nyu ɔ̈ muu blala mǒ. Ě chlà ně konkwa dlǒ lo. Ě blěǒ ně tè wlò popoɛ mɔ̀ kwa klě Tentǎn Jǔ mǒ.

bò boɔ Nyesoaa win. Baǎje nyopò bǔ sòɛ bu wɔ̌n ni plě bǔ se sòa bu wɔ̌n ni, tǐ wùɛ mɔ̀ wɛ̀ mɔ̀le keǒ ii boɔboɔ mɔ̀. Nu ni mìǒ sen noǎa snǔ mɔ̀le sà klee mì kenkan noǎ měne slɛɛ̌ le plě mì u kbě ja le po u miě Nyesoa tùtuɛ kɔn, kɛɛ ɛɛ wùɛǒ kɔn wlòo dbadbǎ mì u tee le.

Tǐà nì moo tǐ keǒ bò boɔ li. Tǐ miě diba ï kɔn wlòmo nyopò see teeaà nɔkǔ jebo poba mu ɛ̈ kwɛɛǒo kàan dɛ jleě mǒ bo, kɛɛ dɛ u mii numa nɛ̀ moo u mi dɛǒ uu wlò jlɛ̌ɛ de nama plě u mǐ tee nyo fòfoa jě ü mi uu noǎ tmɔɔ̌ma ï u jlɛ̌ bu wɔ̌nʼɔ. U mi uu nɔkwǐ kàan dɛ mɔ̀ sàba, u mǐ tɔn tè ja chè ï see kàan tè.

Kɛɛ jiǒ dìee wlò mɔ̀ kwa bleblɛ̌ keǒ dɛ wùɛ mɔ̀. Wɛ̀ mɔ̀le keǒ sònwɛ jejeɛ̌ mɔ̀, nu Nyesoaa win blě kɛne nae konkwa plě nu dɛ wùɛ ɛ̈ Nyesoa jlɛ̌ bò nuu.

Ke kɔn doǒ nyuǒ duii keǒ plùplɛɛ blala mǒ nuu ǔ tùi ɔɔ duduɛ flɛ̌ dlǒ, kě ɛ nu Ě kɔn jebo siǐn snǒ sàe dɛ ɛ̈ fe mǒo ɛ̈ Koɔnʼà tùi nyopò wùɛ mǒ slɛɛ̌ blilǐ mɔ̀ Ɔ mi mǒo nyema keǒ blilǐ tù chnɛ̀ jlǒ waěǒ mɔ̀. Ɛ se ně doà Ɔ se ɛ nyema mu, kɛɛ nyu wùɛ ɔ̈ pɛ̀n Ɔɔ de didiɛ le.